2010 нчы ел, 2нче декабрь. А.С.Пушкин исемендәге 9 нчы лицейда Укытучы елы уңаеннан 11нче сыйныф укучылары белән Туфан Миңнуллинның "Үзебез сайлаган язмыш” әсәре буенча дәрес-конференция үткәрелде. Конференциядә катнашкан укучылар әсәрдә бирелгән образлар аша мәктәптәге тискәре күренешләргә бәя бирделәр, укытучы хезмәте тырышлык, сабырлык таләп итә торган хезмәт икәнен ачыкладылар. "Син укытучы һөнәрен сайлар идеңме?” дигән сорауга бүгенге көндә укытучы һөнәренең дәрәҗәсе түбән икәнен әйттеләр. Чын күңелдән үз эшен яраткан кеше генә гомер буе мәктәптә укытучы булып эшли ала. Безнең лицейда нәкъ шундый укытучылар эшли дигән фикердә калдылар.